Emisari i BE’së për dialogun Kosovë-Serbi, Miroslav Lajcak, ka njoftuar se sot ka biseduar me kryetaren e Kuvendit, Vjosa Osmanin, nënkryetarin e LDK’së, Lutfi Hazirin dhe kreun e NISMA’s, Fatmir Limajn, për çështjen e dialogut Kosovë-Serbi.
Lajçak ka thënë se bisedat e tij me tre politikanët kosovarë kanë qenë rreth përgatitjeve për rifillimin e dialogut Prishtinë-Beograd dhe situatës në Kosovë.
“Po vazhdoj afrimin tim me rajonin. Kam folur me Vjosa Osmanin, Lutfi Hazirin e Fatmir Limajn sot. Patëm biseda konstruktive rreth përgatitjeve për vazhdimin e dialogut dhe sitautës në Kosovë”, ka potencuar Lajçak, raporton Express.
Ai ka thënë se mezi pret të punojë bashkë në mënyrë që të përfitojnë të gjithë njerëzit në Ballkanin Perëndimor.
Continuing my outreach to the region, I spoke to @VjosaOsmaniMP, @LutfiHaziri, @FatmirLimaj today. We had constructive and useful talks on preparations to resume the Dialogue and the situation in Kosovo. Looking forward to working together for the benefit of all people in the WB
— Miroslav Lajčák (@MiroslavLajcak) April 16, 2020
