Vendet e Bashkimit Europian tani duhet të përqendrohen në investimet në shëndetin publik dhe në mbrojtjen e vendeve të punës dhe kompanive, ndërsa për qëndrueshmërinë fiskale të shqetësohen më vonë, deklaroi sot Komisioni Europian, duke u larguar nga thirrjet e tij të zakonshme për politika dhe reforma të kujdesshme.
Në rekomandimet e tij vjetore për 27 vendet e bllokut, të quajtur Semestri Europian, ekzekutivi i BE tha se unioni duhet të koordinojë qasjen e tij për rimëkëmbjen ekonomike, pasi pandemia e koronavirusit të ndërpritet.
“Kjo paketë semestrale e pranverës ka qenë e rimodeluar dhe e thjeshtë për të ofruar udhëzime për shtetet anëtare ndërsa ata vazhdojnë rrugën e tyre përmes stuhisë. Për këtë fazë të menjëhershme, fokusi ynë është të investojmë në shëndetin publik dhe të mbrojmë vendet e punës dhe kompanitë, “tha nënkryetari Ekzekutiv i Komisionit Valdis Dombrovskis.
“Sapo të na lejojnë kushtet, ne do të duhet të arrijmë një ekuilibër midis qëndrueshmërisë fiskale dhe nxitjes së investimeve”, tha ai./Reuters
