Ministri i Mjedisit dhe Infrastrukturës, Liburn Aliu ka thënë se pret që deri në vitin 2030 importimi i veturave të jetë elektrike.
Aliu në një konferencë për medie, duke prezantuar koncept-dokumentin për Fushën e Automjeteve dhe Strategjinë e Transportit Multimodal për vitet 2023-2030, është shprehur se deri në këtë vit diku 30 për qind e flotës e automjeteve në Kosovë të janë elektrike dhe hibride.
“Dokumenti tjetër i rëndësishëm ka të bëjë me fushën e automjeteve, i cili është i lidhur me Strategjinë Multimodale, e që ka të bëjë që veturat që do të importohen në vendin tonë të janë konform standardeve teknike të sigurisë, por edhe konform të standardeve të mbrojtjes së mjedisit”, tha Aliu.
“Sipas këtij koncepti synohet që t’i kushtohet rëndësi importimit të veturave elektrike, në mënyrë që deri në vitin 2030 diku 30 për qind e flotës e automjeteve në vend të janë elektrike dhe hibride”, ka përfunduar ai. /Telegrafi/
