Një reagim publik i Kreut të Sindikatës Profesionale të Telekomit, Muhamet Xhemajli, rreth gjendjes në Telekom, ka mjaftuar që ky i fundit të degradohet në pozitë nga menaxhmenti.
Së paku kështu thotë Xhemajli në një reagim dërguar mediave.
“Desha t’ju njoftoj se pas reagimeve në vazhdimë si në media nga Sindikata Profesionale e Punëtorëve SPP Telekomi i Kosovë s në lidhje me keqpë rdorimet dhe Gradimet/Degradimet dhe nominimet në vende të punë s pa kritere, ju njoftoj se sot me date 28.10.2019 Kryeshefi Ekzekutiv z. Bedri Istrefi edhe pas kercenimit qe ka bere ndaj meje, sot i njejti ka bere degradimin e pozites time si kryetar i Sindikates SPP, gje qe eshte ne kundershtim me Ligjin mbi Sindikatat saktesisht Neni 24”, thuhet në reagimin e Xhemajlit.
Buletini Ekonomik ka siguruar edhe vendimin e kryeshefit ekzekutiv me të cilin pozita e Xhemajlit nga Mbikëqyrës i Kontrollit të Brendshëm në Telekom, tash e tutje do të jetë montues i antenave në regjionin e Mitrovicës.
“Punëtori/ja, Muhamet Xhemajli, i/e sistemuar në punët dhe detyrat e punës, Mbikëqyrës i Kontrollit të Brendshëm në Menaxhimi i Sigurimit të të hyrave risistemohet në punët dhe detyrat e punë Montator në regjionin e Mitrovicës”, thuhet në vendimin e kryeshefit, një kopje të te cilit e ka siguruar Buletini Ekonomik.
Ndryshe, Xhemajli ka paralajmëruar një konferencë për ditën e nesërme. /Buletini Ekonomik/
