Edhe kryetari i Drenasit, Ramiz Lladrovci, ka marrë ftesë nga Gjykata Speciale.
“Valës së ftesave, nga Dhomat e specializuara, iu bashkova edhe unë, në cilësi të dëshmitarit. Nuk kam informata as dijeni më shumë se sa shkruan në ftesë. Data e dhënies së dëshmisë është më 19 dhjetor 2019”, shkruan Lladrovci.
Ai në Facebook ka shkruar se “Kurrë në jetë, as kam pasur hamendje as kam dilemë për drejtësinë e luftës tonë çlirimtare, rrugën e ndjekur deri në çlirim dhe për pastërtinë e saj shembullore”.
Reklama e sponzorizuar
“Përjetësisht krenar me Ushtrinë Çlirimtare të Kosovës!”, përfundon ai.
Kujtojmë se dje, ftesë nga Specialja ka marrë edhe kreu i PDK-së Kadri Veseli.
Ai ka njoftuar se në Hagë do të udhëtojë më 4 dhjetor.
