Imazhi i markës mund të jetë një faktor i madh për kompanitë dhe suksesin e tyre, shpesh duke ndikuar në vendimet e konsumatorit.
Interbrand, një kompani konsultimi, ka listuar markat më të rëndësishme të vitit 2019.
Kjo renditje është bërë në bazë të tre faktorëve kryesorë: fuqia e tanishme e markës, pra, perceptimi i saj nëpër botë, vlera që i shton marka kompanisë, dhe planet e markës për të ardhmen.
10. Disney —vlera: 44.3 milionë dollarë
Disney është përforcuar me shërbimin e ri streaming Disney +. Interbrand zbuloi se pikat e forta të markës ishin diferencimi, angazhimi dhe prania. Vlera e markës është rritur 11% në krahasim me vitin e kaluar. Sipas Interbrand, kjo erdhi si rezultat i një viti të suksesshëm të filmave ”The Lion King”, “Toy Story 4” dhe “Avengers Endgame”.
9. McDonald’s — vlera: 44.53 milinë dollarë
McDonald’s ka rritur vazhdimisht vlerën e markës së saj që nga 2003, dhe në vitin e fundit u rrit me 4%. Interbrand tha se pikat e forta ishin përkushtimi, diferencimi dhe prania.
8. Mercedes-Benz — vlera: 50.8 milionë dollarë
Mercedes-Benz nuk është i pavarur por është në pronësi të Daimler. Vlera e markës u rrit me 5%, përmes angazhimit, rëndësisë dhe përgjegjësisë.
7. Toyota — vlera: 56.2 milionë dollarë
Në vitin e fundit, marka e saj është rritur 5%. Interbrand e bazoi këtë në rëndësinë, origjinalitetin dhe praninë e markës.
6. Samsung — vlera: 61 milionë dollarë
Samsung, një nga gjigantët kryesorë të teknologjisë në botë. Marka e tij u rrit 2% në vitin e fundit. Pikat e forta: përgjegjshmëri, rëndësi dhe origjinalitet.
5. Coca-Cola — vlera: 63.4 milionë dollarë
Marka Coca-Cola ka rënë në vitin e fundit me 4% dhe kjo është hera e parë që nga viti 2014. Pavarësisht kësaj, ajo renditet në vendin e 5-të, duke treguar forcën e markës – të udhëhequr nga prania, origjinaliteti dhe angazhimi.
4. Microsoft – vlera: 108,8 milion dollarë
Microsoft është një nga markat kryesore në botë. Marka e saj është përmirësuar ndjeshëm këtë vit me 17%, për shkak të qartësisë, rëndësisë dhe përgjegjësisë.
3. Amazon — vlera: 125 milionë dollarë
Firma e Jeff Bezos është ndër markat më të mëdha në botë. Pikat e forta të tij sipas interbrand ishin reagimi, rëndësia dhe prania, pasi marka u rrit 24% në vitin e fundit.
2. Google – vlera : 167,7 milion dollarë
Google u rendit në vendin e dytë. Marka Google u rrit 8%. Pikat e forta ishin prezenca, rëndësia e paraqitur edhe reagimi.
1.Apple —vlera: 234.2 milionë dollarë
Marka më e fortë në botë ishte gjigandi i teknologjisë Apple. Me vlerë tregu prej rreth 1.2 trilion dollarë, gjigandi i teknologjisë zuri vendin e parë, duke mundur kështu Google . Apple u rrit 9% vitin e kaluar, përmes diferencimit, menaxhimit dhe angazhimit. /abcnews.al/
