Shpenzimet për mëditje, udhëtime e reprezentacion të ish ministrit të Inovacionit Besim Beqaj

Shuma të konsiderueshme të mjeteve të buxhetit të shtetit janë shpenzuar gjatë vitit që shkoi nga ish ministri i Inovacionit dhe Ndërmarrësisë, Besim Beqaj për reprezentacion, mëditje, e udhëtime jashtë shtetit.

Në bazë të ligjit për qasje në dokumente zyrtare “Front Online” ka siguruar të gjitha shpenzimet e ish ministrit Beqaj, ministrit aktual Muzafer Shala dhe zyrës së sekretarit të kësaj ministrie Hajriz Koci.

Sipas dokumenteve të siguruara shihet se për shpenzime përmes kartelës për udhëtime gjatë vitit 2018 ai kishte shpenzuar 4,614,39 euro, deri sa gjatë pjesës së parë të këtij viti gjatë kohës sa ai ka qenë ministër i këtij dikasteri qeveritar janë shpenzuar 5,146,46 euro.

Reklama e sponzorizuar

Në bazë të dhënave të siguruara nga “Front Online” shihet se gjatë vitit 2018 vetëm për reprezentacion ish ministri Beqaj ka shpenzuar 6612,55 euro.

Për mëditje gjatë vitit të kaluar Beqaj kishte shpenzuar 3,337,48 euro, deri sa gjatë pjesës së parë të këtij viti sa ka qenë ministër për këtë qëllim Beqaj kishte shpenzuar 1,144 euro.

Po ashtu, ish ministri Beqaj gjatë vitit 2018 për shpenzime telefoni kishte shpenzuar 717,95 euro, deri sa gjatë vitit 2019 gjatë muajve sa ishte ministër ai kishte shpenzuar 306,19 euro

Për karburante gjatë vitit 2018 ish ministri i Inovacionit kishte shpenzuar 3218,94 euro, deri sa gjatë vitit 2019 ai ka shpenzuar 959,86 euro. /Front online/