Partitë në Parlamentin suedez janë pajtuar që ta reduktojnë nga 349 në 55 numrin e deputetëve në seanca dhe gjatë votimit, të paktën deri në fund të marsit.
Kësisoji parlamenti i këtij shteti, edhe në rast të sëmurjes së shumë deputetëve, do të ishte në gjendje të marrë vendime, shkruan gazeta suedeze “Svenska Dagbladet”, raporton KOHA.
“Sot, kemi arritur marrëveshje midis të gjithë kryesuesve të grupeve parlamentare që siguron që Parlamenti do të mund t’i përmbushë obligimet e veta, edhe nëse një numër i madh i deputetëve nuk marrin pjesë në seanca parlamentare”, ka thënë të enjten Tobias Billstrom, lider i Partisë së të Moderuarve.
Kjo nënkupton se rreth 55 prej 349 anëtarëve të Kuvendit janë të pranishëm gjatë votës në parlament.
Numri i të infektuarve me koronavirus në Suedi ka mbërritur në 1.430, derisa 11 persona kanë vdekur nga komplikimet e shkaktuara prej këtij virusi.
