Linjat emergjente të thirrjeve në Shtetet e Bashkuara të Amerikës, kanë raportuar për një rritje të madhe të personave që kanë kërkuar këshilla për injektimin e dezinfektuesve, pasi dëgjuan deklaratën e presidentit Donald Trump.
Presidenti kundërthënës shkaktoi reagime të ashpra të premten kur tha se duhet të shikohet mundësia e injektimit të dezinfektuesve që sipas tij, po tregohen të suksesshëm në asgjësimin e koronavirusit, transmeton KOHA.
Agjencia e menaxhimit të emergjencave në Maryland, përmes një postimi në Twitter, ka njoftuar se ka pranuar një seri thirrjesh se si të përdoren dezinfektuesit dhe zbardhuesit.
Kjo qendër u ka bërë thirrje amerikanëve që në çfarëdo rrethane të mos tentojnë injektimin e tyre pasi mund të shkaktojë vdekje të menjëhershme.
Thirrje të ngjashme emergjente janë raportuar të shtunën edhe në New York. Qendra për kontrollin e helmimeve në këtë shtet amerikan, ka pranuar 30 thirrje në lidhje me përdorimin e zbardhuesit “Lysol”.
Ekspertët shëndetësorë, por edhe kompanitë për prodhimin e dezinfektuesve, u kanë bërë thirrje njerëzve që të mos tentojnë injektimin e dezinfektuesve pasi rrezikojnë të helmohen apo edhe të vdesin.
ALERT?: We have received several calls regarding questions about disinfectant use and #COVID19.
— Maryland Emergency Management Agency (MDMEMA) (@MDMEMA) April 24, 2020
This is a reminder that under no circumstances should any disinfectant product be administered into the body through injection, ingestion or any other route.
