Komisioni i Shëndetësisë në Kinë ka bërë të ditur se brenda ditës mund të testohen deri në 3 milionë e 700 mijë njerëz për koronavirus.
Kalimi i hershëm i pikut të infektimeve dhe vdekjeve ia ka mundësuar Kinës që të marrë masa për mbrojtje nga koronavirusi në rast të përsëritjes së përhapjes.
Reklama e sponzorizuar
Sipas Komisionit të Shëndetësisë kineze, vetëm në Pekin mund të testohen çdo ditë nga 300 mijë njerëz. Nga 12 deri më 22 qershor, në kryeqytetin kinez janë testuar 2 milionë e 900 mijë njerëz.
Banorët e disa lagjeve kineze që janë konsideruar me shkallë mesatare dhe të lartë rreziku, kanë mundur të kryejnë testet nëpër të gjitha qendrat mjekësore.
Në Pekin është krijuar një laborator i përkohshëm, në të cilin çdo ditë mund të realizohen 30 mijë teste.
