Qeveria e Kosovës ka plotësuar vendimin e Qeverisë të datës 31 maj 2020.
Ministri Armend Zemaj tha se me këtë ndryshim do të hapen edhe pikat e tjera kufitare tokësore.
“Ky vendim hyn në fuqi më 22 të këtij muaji duke pasur parasysh që përgatitjet janë më intensive. Edhe sot, manuali do t’iu shpërndahet të gjitha institucioneve. Manuali është i gatshëm dhe do të mbikëqyret rreptësishtë. T’iu ofrojmë qytetarëve, sidomos atyre që i frekuentojnë këto pika lëvizje të lirë”, tha Zemaj.
Reklama e sponzorizuar
Më herët, ishin hapur disa pika kufitare, e disa për shkak të rrezikut nga përhapja e pandemisë, ishin lënë për më vonë.
Pikat kufitare Qafë-Morinë, Muçibabë dhe Mutivodë, janë disa prej pikave që do hapen prej 22 qershorit.
