Zëvendëskryeministri i parë i Kosovës, Besnik Tahiri, ka vizituar Komunën e Podujevës, ku nga atje premtoi se Zona Ekonomike e Llapit do të jetë prioritet kyç i Qeverisë së Kosovës dhe i tij personalisht për të shtyrë përpara zhvillimin ekonomik lokal.
Përmes një statusi në Facebook, Tahiri ka thënë se në këtë takim ka theksuar se Qeveria e Republikës së Kosovës mbetet e përkushtuar për finalizimin e projekteve infrastrukturore të nisura më parë në Komunën e Podujevës më konkretisht magjistralen Prishtinë-Podujevë.
“Gjithashtu u dakorduam që të mbështesim bizneset e Podujevës me programin e Rimkëmbjës Ekonomike, pasi që shtylla e zhvillimit ekonomik të kësaj zone bazohet pikërisht në sektorin privat. Më këtë rast u zotova se si Zëvendëskryeministër do t’i adresojë të gjitha çështjet kruciale me të cilat do t’i krijojmë mekanizmat për përfundimin në afatin më optimal të këtyre projekteve”, ka shkruar ai.
