Shpend Ahmeti vjen me një paralajmërim të frikshëm: 30-60 mijë persona pritet ta humbin vendin e punës

Kryetari i Komunës së Prishtinës, Shpend Ahmeti, ka përmendur nga analizë të bërë nga Banka Qendrore e Kosovës, në të cilën thuhet se Kosova rrezikon të ketë rënie ekonomike rreth 7.2%.

Kjo i bie, sipas Ahmetit, që në Kosova do të humbin vendet e tyre të punës prej 30 deri në 60 mijë persona.

Me këtë rast ai ka kritikuar Qeverinë Hoti, për mosmarrjen e masave të duhura për rimëkëmbje ekonomike.

Shkrimi i plotë nga Shpend Ahmeti:

Sipas Guvernatorit të BQK, rënia ekonomike sivjet do të jetë -7.2 përqind. Kjo i bjen 30-60 mije vende të punës. (Mund të jem i pasaktë në këtë përkthim).

Ndihma ekonomike për bizneset – afër zeros!

Masat paushall – afër maksimumit!

Krejt shtetet po pësojnë nga covidi dhe shumica e shteteve do të kenë humbje, por po ashtu shumica e shteteve kanë kaluar ndihmën në kuvendet e tyre dhe masat i kanë balancuar.

Në Kosovë as 30 deputetë spo munden me u mbledh. Pikë e pesë.

Fjalët magjike: Kompromisi, ndihma ekonomike, rrjeti i sigurisë sociale

Fjalët toksike: për inati, bojkoti, arroganca

Rrogat ecin edhe që nuk mbledhen!