Po vazhdon mbledhja e Komisionit Hetimor lidhur me procesin e privatizimit.
Drejtori menaxhues i Agjencisë Kosovare të Privatizimit, Valon Tolaj, gjatë intervistimit nga Komisioni Hetimor për hetimin e procesit të privatizimit, ka thënë se që nga viti 2010 kanë pas përgjegjësi ligjore, ajo e cila aktualisht zhvillohet në Agjenci është se unë kam zgjidh 1600 kërkesa nga qytetarë të ndryshëm.
“Kemi pas rregullore, por atëherë ka pasur më pak, edhe atëherë në bazë ligjore në bazë të ligjit. Që nga viti 2010 kanë pas përgjegjësi ligjore, ajo e cila aktualisht zhvillohet në Agjenci është se unë kam zgjidhur 1600 kërkesa nga qytetarë të ndryshëm. Mënyra e trajtimit të kërkesave mu ka dok pak e palogjikshme nëse ju ka hap rruga, në këtë kanë qenë dy komisione të cilët e kanë pasur punë dytësore, kur them punë dytësore, nuk e kanë pasur punë parësore këto kërkesa por kurdo që kanë pasur kohë I kanë trajtuar çështjen e këtyre kërkesave. Mua më është dukur pak e tepërt. Janë 3 kategori u klasifikohen se kush ka të drejtë”, tha ai
Ndërsa Tolaj e ka mohuar se është shitur ndonjë pronë 1 euro për ari ashtu siç është raportuar në Komisionin parlamentar për hetimin e procesit të privatizimit.
Drejtori i AKP tha se shumica e pronave janë shitur me çmim më të lartë.
Tolaj ka mohuar të jetë anëtar i ndonjë subjekti politik aktualisht, derisa pranoi që ka qenë në AAK deri në vitin 2018.
