Shkaku i rritjes së numrit të të infektuarve me koronavirus si dhe shtimit të rrezikut nga ky virus, Qeveria e Kosovës kishte marrë masa mbrojtëse, përfshirë këtu edhe vendosjen e orës policore.
Një vendim i tillë nuk është pritur mirë as nga qytetarët, as nga bizneset, por edhe nga shumë akterë politik në vend.
Ekonomisti, Erton Bega ka deklaruar se në mungesë të aftësive menaxhuese, Qeveria Hoti po vepron me ndalesa e kufizime.
Sipas tij , Projektligji për Rimëkëmbjen Ekonomike do të ishte shumë pozitiv po të ishte miratuar disa muaj më herët.
Shkrimi i plotë:
Nëse i krahasojmë rastet aktive për 1 milion banorë me Koronavirus me shtetet fqinje, Kosova qëndron më mirë se Maqedonia e Veriut, Mali i Zi dhe Serbia, dhe pak më keq se Shqipëria.
Çuditërisht, Qeveria jonë mbyll dhe kufizon veprimtarinë e bizneseve prej orës 19:00 përderisa në shtete tjera fqinje që e kanë gjendjen më të rëndë, kufizimet/ndalesat fillojnë prej orës 22:00.
Për paradoks të këtij vendimi për ta rritur frustrimin qytetar, shtetet fqinje kanë miratuar disa paketa ekonomike e Kosova e votoj sot pakon ekonomike me vonesë tepër të madhe.
Kjo qeveri po udhëheq në stilin bardh e zi, përkatësisht në mungesë të aftësive menaxhuese të pandemisë ka zgjedhur të veproj me ndalesa dhe kufizime që kanë për bazë paligjshmërinë e disa biznesesve dhe individëve në respekt të masave anticovid. Kur nuk ke ide për menaxhim të situatave, atëherë është më së lehti me ia fut kot duke ndaluar funksionimin e ekonomisë.
Në anën tjetër kjo pako ekonomike do të ishte shumë pozitive sikur të ishte miratuar 4-5 muaj më parë, pasi vlera e projektuar financiare atëherë me këtë pako do të shumëfishohej deri tash.
Kuvendi i MËDITJEVE e vonoj votimin me muaj të tërë për inate personale/partiake duke i dhënë goditje të madhe ekonomisë dhe zhvlerësoi efektin financiar të pakos ekonomike duke e vonuar në kohë.
Kjo Qeveri e Zorit duhet të dorëhiqet sa më parë për t’i hapur rrugë funksionimit të rregullt rë Kuvendit dhe shtetit në terësi.
