Kompania Rajonale e Ujësjellësit “Prishtina” ka dërguar rreth 1000 lëndë të borxhlinjve te përmbaruesit privatë për një muaj, bëhet e ditur në një komunikatë për media të martën.
KRU “Prishtina” ka thënë se kjo përfshin konsumatorët që kanë më shumë se 100 euro borxh.
Ujësjellësi ka kërkuar nga konsumatorët që të përmbushin obligimin financiar në mënyrë që të mundësohen punët e ndërmarrjes.
“Për një muaj ( janar-shkurt 2021) janë dërguar rreth 1000 lëndë të borxhlinjve te Përmbaruesit Privatë (kryesisht sektorin e bizneseve), me ç’rast zyra ligjore është duke përgatitur vazhdimisht edhe lëndë të tjera për procedurë përmbarimore. Inicimi i kësaj procedure përmes Përmbaruesve Privatë do të krijonte shpenzime shtesë për ju dhe do të vështirësonte përmbushjen e obligimit tuaj duke paguar taksën shtesë. Ujësjellësi i Prishtinës është një ndër institucionet e fundit që po merret me dërgimin e lëndëve te Përmbaruesit, për shkak që kemi pasur konsideratë për periudhën e pandemisë”, thuhet në njoftim.
