Një ditë kërkimi pune mund të jetë e barabartë me 8 orë në ring me Tyson Fury. Ju vazhdoni të lëkundeni dhe lëkundeni, dhe kur lidheni me një mundësi, e lini veten të hapur ndaj zhgënjimit të mëtejshëm.
Por të ndihesh i mundur është vetëm një simptomë e një gjuetie epike për punë. Pasiguria, frika dhe vetëvlerësimi i ulët ndikojnë gjithashtu. Sa më shumë të vazhdoni të kërkoni dhe të mos gjeni një punë, aq më shumë do rriten mundësitë për të rënë në depresion.
Ka të ngjarë që ju të kaloni më pak kohë me familjen dhe miqtë (dhe, natyrisht, kolegët) – grupin me të cilin ju shkoni më shumë dhe nga i cili merrni më tepër mbështetje. Shëndeti fizik ka të ngjarë të përkeqësohet.
Kur papunësia zvarritet, ajo zhvillon trajektoren e vet të feedback-ut: çështjet e shëndetit fizik dhe mendor dëmtojnë aftësitë për të marrë vendimet duhura dhe për të menaxhuar kërkimin e punës.
Është thelbësore që të evidentoni këtë trajektore sa më shpejt që të mundeni. Mënyra më e mirë për të mos u bërë pjesë e kësaj trajektoreje është që ta trajtoni kërkimin e punës suaj si një punë. Për ta trajtuar veten si një punonjës që meriton kushte njerëzore dhe – pse jo? – dhe disa përfitime interesante!
Trajtojeni kërkimin e punës si një punë
Vendosni orët e punës dhe mos e teproni. Ekspertët mendojnë se tre orë në ditë duhet të jenë kufiri dhe t’i përmbahen një programi të rregullt ditor. Një rregull: bëni dush dhe vishuni para se të prezantoheni (është mirë për dinjitetin tuaj dhe ndjenjën e disiplinës).
Reduktimi i orëve që kaloni duke kërkuar punë mund të jetë gjëja e fundit që ju shkon në mendje nëse keni nevojë urgjente për punë. Por prezantimi në një intervistë pune në një “gjendje si mos më keq”, si pasojë e një kërkimi intensiv gjatë asaj jave, nuk do të ishte në favorin tuaj. Në vend të kësaj këshillohet që pasditet t’i kaloni:
• Duke ndjekur një kurs falas;
• Lexoni një libër për të marrë një informacion të zgjeruar për sektorin;
• Merruni me aktivitet fizik dhe takoni miqtë, i bën mirë trurit.
Sigurisht që një periudhë e tillë nuk është e lehtë për askënd,por gjatë saj këshillohet që ju të tregoni kujdes ndaj vetes, duke u munduar të mos stresoheni më shumë se sa duhet. Padyshim që periudhat e papunësisë nuk janë të lehta por ju nuk duhet të harroni që pikërisht tani jeni “shefi i vetes”. Jeni gati për të nisur sërish kërkimin? Bëni gati filxhanin me çajin e preferuar dhe mos harroni të vini kravatën! /The Ladders/
