Bashkimi Evropian do të investojë 1.1 miliardë euro (1.24 miliardë dollarë) në projekte të reja inovative për të zhvilluar një ekonomi më të gjelbër, deklaroi sot Komisioni Evropian, si pjesë e tranzicionit të bllokut drejt objektivit për zero emetime neto deri në vitin 2050.
Grantet për projektet do të ndihmojnë në rifillimin e ekonomisë së BE-së dhe krijimin e një rimëkëmbjeje të gjelbër, pas ndikimit të Covid-19, tha zëvendës presidenti i Komisionit Evropian, Frans Timmermans.
Shtatë projektet në shkallë të gjerë janë investimet e para të Fondit të Inovacionit të Komisionit Evropian, një mjet i ri investimi i BE-së, që fillimisht bëri thirrje për aplikime në 2020.
Fondi synon të ndajë 25 miliardë euro gjatë dekadës së ardhshme për zhvillimin e teknologjive duke konsumuar më pak dioksid karboni (CO2) për të ndihmuar në dekarbonizimin e ekonomisë së BE-së.
Një nga projektet në Francë, lidhet me kapjen e emetimeve nga një fabrikë çimentoje dhe pjesërisht depozitimi i dioksidit të karbonit gjeologjikisht në Detin e Veriut për ta kthyer atë në beton.
Gjashtë projekte të tjera në Belgjikë, Itali, Finlandë, Holandë, Norvegji, Spanjë dhe Suedi janë përzgjedhur gjithashtu për financim./atsh
