Nga 90 deri në 1 mijë e 200 euro, sa janë pensionet në Kosovë e sa në shtetet e tjera

Në vendet e Ballkanit Perëndimor, pensionet më të vogla minimale janë në Kosovë, ndërsa më të lartat në Serbi.

REL ka publikuar një infografikë për pensionin minimal dhe maksimal në vendet e Ballkanit Perëndimor. Sipas kësaj infografike, në vendin tonë pensioni minimal është 90 euro, kurse ai maksimal 627 euro.

Në Maqedoninë e Veriut, pensioni minimal është 170 euro derisa pensioni maksimal është 938 euro.

Reklama e sponzorizuar

Pensionet maksimale në shtete e tjera shkojnë mbi 1 mijë euro.

Në Mal të Zi, pensioni maksimal është 1 mijë e 100 euro, e minimali 147 euro.

Pensionin maksimal më të lartë nga këto shtete e ka Serbia, apo 1 mijë e 258 euro. Ndërkohë, ai minimali është 136 euro.

Në Bosnjë e Hercegovinë, pensioni minimal është prej 160 apo 212 euro, kurse maksimal sillet rreth 1 mijë e 90 euro.