Punëtorët në Belgjikë së shpejti do të jenë në gjendje të zgjedhin një javë pune 4-ditore, sipas një serie reformash të tregut të punës, të shpallura të martën.
Paketa e reformës e rënë dakord nga qeveria e koalicionit shumëpartiak të vendit, do t’u japë gjithashtu punëtorëve të drejtën të fikin pajisjet e punës dhe të injorojnë mesazhet në lidhje me punën pas orëve pa frikë nga hakmarrja.
Punëtorët me kohë të pjesshme do të marrin gjithashtu mbrojtje më të forta ligjore sipas rregullave të reja, ndërsa punonjësit me kohë të plotë do të jenë në gjendje të punojnë me orare fleksibile sipas kërkesës. Një pjesë e konsiderueshme e reformave të reja të punës në Belgjikë ndikojnë në balancën punë-jetë të punonjësve, si në sektorin publik ashtu edhe në atë privat.
Punëtorët do të mund të kërkojnë gjithashtu orare të ndryshueshme pune, të rinovueshme çdo gjashtë muaj. Periudha minimale e njoftimit për ndërrimet po ndryshon gjithashtu, me kompanitë që tani u kërkohet të japin oraret të paktën shtatë ditë përpara. /Scan tv/
