Energjia nga era është duke bërë një rikthim në Europë teksa tri stuhitë e emëruara goditen rajonin javën e kaluar, duke ndihmuar në lehtësimin e varësisë në lëndët djegëse fosile, ashtu si tensionet mbi Ukrainën po rriten.
Lajmin e ka bërë të ditur Bloomberg.com, ku është raportuar se turbinat në Bashkimin Evropian kanë gjeneruar një sasi rekord prej 14.9 teravat-orë energji elektrike javën e kaluar, me Gjermaninë që ka prodhuar më së shumti ndonjëherë energji nga era të dielën që lëmë pas, sipas dative të institutit kërkimor Fraunhofer ISE.
Maja e këtyre shifrave u arrit pasi Dudley, Eunice dhe Franklin, sic u bënë të njohura stuhitë në Mbretërinë e Bashkuar, kanë ndalur energjinë elektrike për miliona shtëpi dhe kanë ndërprerë udhëtimin ajror në të gjithë rajonin.
Ngritja e prodhimit të energjisë nga era është një lehtësim për Europën, e cila po përballet me një krizë energjetike dhe shqetësimet se tensionet mes perëndimit dhe Rusisë mbi Ukrainën mund të ngushtojnë më tej furnizimet me gaz natyror.
Ajo përfaqëson gjithashtu një kthesë nga viti i kaluar, kur shpejtësitë e ulëta të erës i detyruan ndërmarrjet evropiane të djegin qymyr — karburanti fosil më i ndotur — për të mbajtur dritat ndezur.
“Rritja kryesore është për shkak të kushteve të motit, me erëra të forta këtë vit, “tha Bruno Burger, kreu i departamentit të teknologjisë dhe pajisjeve të avancuara në Fraunhofer ISE të Gjermanisë.
Një rritje në numrin e turbinave me erë të instaluara gjithashtu “ndihmoi pak”, tha ai.
Prodhimi i energjisë nga era në Bashkimin Evropian u rrit me 26% këtë vit në rreth 84 teravat-orë, ndërsa sasia e energjisë elektrike e prodhuar nga gazi, qymyri dhe linjiti fitoi vetëm 0.3% në pothuajse 141 teravat-orë, treguan të dhënat e Fraunhofer ISE.
Ndryshimi ka qenë aq i theksuar në Gjermani saqë kombi prodhoi më shumë energji nga era këtë vit sesa nga lëndët djegëse fosile.
Më shumë energji nga era do të ndihmojë që të lehtësojë ngushtimin në treg, tashmë duke u përballur me disa ndërprerje bërthamore në Francë dhe shqetësimet për një ndërprerje në rrjedhat e gazit nga Rusia.
Rreth një e treta e dërgesave nga furnizuesi kryesor i Evropës zakonisht rrjedhin përmes tubacioneve që kalojnë Ukrainën.
Gjermania ka instaluar rreth 1.5 gigavat të kapaciteteve të reja të erës që nga 2020, sipas Fraunhofer ISE.
Pasiqë më shumë turbina fillojnë operimin, periudhat e motit me stuhi do të ndihmojnë në zhvendosjen e impianteve të lëndëve djegëse fosile, të cilat kanë kosto më të larta prodhimi.
Kapaciteti i instaluar i energjisë së erës në Gjermani pritet të rritet me 45% në 91 gigavat-orë deri në fund të kësaj dekade, sipas BloombergNEF.
Mbyllja e katër gigëat të kapacitetit bërthamor në Gjermani në fund të vitit të kaluar ka ndihmuar gjithashtu në rritjen e pjesës së erës në gjenerimin total të energjisë elektrike të Gjermanisë në 46% këtë muaj, tha BloombergNEF në raport.
Rritja e energjisë së erës ende nuk e ka ulur ndjeshëm koston e energjisë elektrike në Gjermani, një nga më të lartat në Evropë. Kostot mesatare ditore prej gati 148 euro për megavat orë këtë vit janë pothuajse tre herë më të larta se në të njëjtën periudhë të vitit të kaluar. Kjo për shkak se qymyri dhe gazi janë ende të nevojshme për të përmbushur kërkesën, duke vendosur çmimin marxhinal për energjinë.
