Politikë bërësit e Bankës Qendrore Europiane po mblidhen të enjten për atë që mund të jetë bërë papritur një takim krize, pasi pushtimi rus i Ukrainës kërcënon të prishë rritjen ekonomike në zonën e euros dhe të komplikojë rrugën e BQE-së për të dalë nga normat negative të interesit.
Këshilli Drejtues i politikë bërjes së BQE-së do të mblidhej në Paris në drekë të enjten për një “takim joformal”. Kjo kishte për qëllim përgatitjen e një vendimi më 10 mars mbi përfundimin e mundshëm të programit stimulues të blerjes së obligacioneve të BQE-së dhe të hapte rrugën për rritjen e parë të normës në më shumë se një dekadë për të trajtuar inflacionin çuditërisht të lartë.
Por pushtimi rus i Ukrainës brenda natës ka ndryshuar pamjen duke rritur perspektivën e kostove më të larta të energjisë, trazirave financiare dhe tregtisë më të ulët për zonën e euros. Kjo ka të ngjarë të çojë në një rritje të menjëhershme të çmimeve të energjisë, e ndjekur nga një rritje ekonomike më e ulët dhe inflacion për zonën e euros, e cila mbështetet në gazin rus për 40% të nevojave të saj.
Asnjë vendim nuk pritet në takimin e së enjtes, i cili është planifikuar të fillojë me një drekë dhe të përfundojë rreth orës 22:00, përpara një mbledhjeje të ministrave të financave të Bashkimit Europian të nesërmen.
BQE nuk kishte ndarë një axhendë takimi me politikëbërësit, por ata pritej të diskutonin perspektivën ekonomike, lëvizjet e tyre të ardhshme të politikave si dhe disa çështje operacionale. Kjo tani ka ndryshuar, me krizën e Ukrainës që ka të ngjarë të dominojë diskutimin./Scan tv/
