Kosova gjatë muajit janar të këtij viti, ka importuar energji elektrike në vlerë të 412.44 gigavatëve për orë, derisa në të njëjtën periudhë kishte eksportuar energji për në vendet e tjera prej 111.04 gigavatëve/orë.
Në raportin më të fundit të Agjencisë së Statistikave të Kosovës (ASK) për muajin janar 2022, rreth “Bilancit të Energjisë”, thuhet se e gjithë energjia elektrike bruto në dispozicion ishte 869.42 GWh, kurse konsumi i energjisë ishte 536.21 GWh, apo 4.52 për qind konsum më i lartë sesa në muajin dhjetor të vitit 2021.
Sipas raportit, në muajin janar 2022, prodhimi bruto nga termocentralet e energjisë elektrike ishte 525.43 GWh, prodhimi nga hidrocentralet e energjisë elektrike ishte 4.35 GWh, ndërsa prodhimi bruto nga era dhe ajo solare e energjisë elektrike ishte 38.24 GWh.
Si rrjedhojë, pjesëmarrja e energjisë elektrike alternative në kuadër të konsumit të përgjithshëm gjatë kësaj periudhe, ishte 7.6 për qind, përcjell Buletini Ekonomik.
Ndërkaq, prodhimi i thëngjillit ishte 7.83 mijë tonë, ose rreth 26.88për qind më shumë sesa në muajin e njëjtë të vitit paraprak.
Ndryshe, Agjencia e Statistikave ka njoftuar se tashmë ka filluar që të publikojë në baza mujore statistikat e energjisë ën Kosovë, duke përfshirë prodhimin dhe konsumin e thëngjillit, prodhimin dhe konsumin e energjisë, importin dhe eksportin e energjisë si dhe importin dhe eksportin e enërgjentëve tjerë. /Buletini Ekonomik/
