Qeveria turke do të lansojë skemë të përkrahjes për bujqit që dëshirojnë të instalojnë sisteme solare energjetike për nevoja të ujitjes në fermat e tyre.
Mediat lokale turke kanë mësuar se përfituesve do t’u mbulohen 40% të kostove si dhe do të përfitojnë nga kredi me norma të ulëta interesi për pjesën tjetër të kostove, ka raportuar Balkan Green Energy News.
Mediat turke kanë thënë se bujqit do të kenë çasje në sisteme lëvizëse solare për të prodhuar mjaftueshëm energji për pompat elektrike të ujit.
Kohë më parë, Presidenti i Turqisë, Recep Tayyip Erdogan kishte thënë se kjo skemë ka për qëllim të rrisë përdorimin e sistemeve solare në sisteme të ujitjes.
Përmes kësaj skeme, komunat dhe prodhuesit industrial në Turqi do të kenë mundësinë të përfitojnë subvencione në ndërtimin e njësive me kapacitete më të larta të prodhimit të rrymës për vet-konsum.
