Bileta prej 15 euro kthyese për Shëngjin nuk është kostoja e e vetme që aplikojnë agjencitë turistike nga Kosova për pushuesit në bregdetin shqiptar.
Ato po e aplikojnë edhe një taksë shtesë prej 1 euro, me rastin e kthimit, të cilën e kanë quajtur “tarifë për rezervim të biletës”.
“Kam paguar 15 euro biletë kthyese për Shëngjin, por kur erdhë koha me u kthy, nga agjencia më thanë që duhet me u lajmëru në vendin e caktuar në Shëngjin për ta paguar edhe taksën për rezervim të biletës”.
Kjo taksë, siç shihet në dëshmitë që ka siguruar Buletini Ekonomik, është 120 lekë, apo 1 euro.
Buletini Ekonomik ka kërkuar sqarime nga disa agjenci se pse aplikohet kjo tairfë por nuk ka marrë përgjigje.
Ndryshe sivjet bileta kthyese për Shëngjin është shtrenjtuar për 5 euro, duke u bërë 15 euro prej 10 sa ka qenë një vit më herët. /Buletini Ekonomik/
