Aeroporti “Adem Jashari” i Prishtinës është i dyti në listën e aeroporteve të rajonit me numër të udhëtarëve.
“Nikola Tesla” i Beogradit është i pari në listën e 22 aeroporteve sa i përket numrit të pasagjerëve sivjet, pasuar nga Prishtina dhe Zagrebi.
Aeroporti i Prishtinës ka pasur mbi 1.3 milionë pasagjerë në gjashtë muajt e këtij viti, sipas Exyuaviation.
Ljubljana, Tivati dhe Mostari po dëshmojnë rimëkëmbjen më të ngadaltë me portën kryesore të Sllovenisë, me 44.6% të niveleve të trafikut para COVID-19, Tivat me 44.9% dhe Mostar me vetëm 15.4%.
Gjatë muajit qershor një numër aeroportesh në ish-Jugosllavi panë shifrat e tyre mujore të trafikut afër niveleve të trafikut para Covid-19.
Gjatë muajit, Bosnjë e Hercegovina, Kosova, Shqipëria, Greqia dhe Armenia ishin tregjet e vetme në kontinent, numri i të cilëve ka tejkaluar ato para urgjencës globale shëndetësore, ndërsa Maqedonia, Serbia dhe Turqia ishin afër arritjes së barazisë.
