Ministria e Industrisë, Ndërmarrësisë dhe Tregtisë, respektivisht Departamenti për Rregullimin e Tregut të Naftës, ka publikuar çmimet e të gjitha produkteve të naftës për 24 orët e ardhshme.
Sipas Udhëzimit Administrativ të miratuar nga Qeveria për rregullimin e çmimeve të produkteve të naftës dhe karburanteve të ripërtërishme, gjatë ditës së sotme, çmimi maksimal i lejuar për një litër naftë (Dizel) është 1.78 euro, përcjell Buletini Ekonomik.
Ndërkohë, çmimi maksimal i lejuar i produktit Benzinë është: 1.72 euro për litër nga 1.73 sa ishte dje, derisa çmimi maksimal i lejuar i produktit Gas mbetet: 0.78 euro për litër.
Sipas Ministrisë së Tregtisë, çmimet e lartëcekura vlejnë për datën 08/07/2022 prej orës 10:00 dhe janë valide 24 orë nga data dhe ora e publikimit./Buletini Ekonomik/
