Familjet britanike me matës inteligjentë mund të paguhen për të fikur pajisjet me energji të lartë si lavatriçet gjatë orëve të pikut për të zvogëluar rrezikun e ndërprerjeve të energjisë këtë dimër.
Operatori kombëtar i sistemit të energjisë elektrike ESO po përgatitet të shpallë planet për të shpërblyer konsumatorët për uljen e presionit në rrjetin elektrik.
Zbritjet për reduktimin e përdorimit të pajisjeve të tilla si tharëse, pjatalarëse dhe paisjet e videolojërave gjatë orëve të pikut prej orës 17:00 deri në 20:00 mund të jenë deri në 6 cent për kilovat të kursyer.
Sunday Times raporton se rrjeti do të aplikonte për miratim rregullator, me skemën që shpresohet të miratohet deri në fund të tetorit.
“Ne jemi duke zhvilluar një shërbim të ri që do të jetë në dispozicion të konsumatorëve këtë dimër dhe do të njoftojmë informacione të mëtejshme së shpejti,” tha një zëdhënës i ESO-s.
Planet pasojnë një provë për klientët e Octopus Energy në fillim të këtij viti, kur ata paguheshin vetëm 20 cent për çdo kilovat të kursyer./ Sunday Times
