Raporti mes importit dhe eksportit të mallrave në Kosova, vazhdon të ketë disbalancë të madhe.
Në bazë të të dhënave më të fundit nga Agjencia e Statistikave të Kosovës (ASK), eksporti i mallrave në muajin gusht 2022 kishte vlerën 84,8 milion euro, ndërsa importi shënoi një vlerë rekorde prej 526,8 milionë eurove.
Sipas ASK-së, kjo është një rritje prej 30.6% për eksport si dhe 26.2% për import, nëse e krahasojmë me periudhën e njëjtë të vitit 2021, përcjell Buletini Ekonomik.
Ndërkaq, deficiti tregtar i Kosovës në këtë periudhë arriti në 441.9 milionë euro, nga 352.6 milionë euro sa ishte deficiti tregtar i Kosovës në muajin gusht të vitit 2021. Këto shifra tregojnë për një deficit më të lartë për 25 për qind në muajin gusht 2022, krahasuar me gushtin 2021. /Buletini Ekonomik/