Sot Kuvendi i Kosovës do të mbajë dy seanca të njëpasnjëshme. Në seancën e parë pritet që të bëhet shqyrtimi i vendimit për zgjatjen e masave emergjente në furnizimin e energjisë.
Seanca pritet që të mbahet duke filluar nga ora 10:00.
Rendi i ditës:
Reklama e sponzorizuar
1.Shqyrtimi i Vendimit të Qeverisë së Republikës së Kosovës nr.03/103, datë 28.10.2022 për zgjatjen e masave emergjente në furnizimin e energjisë. Seanca plenare e Kuvendit Vendi: Kuvendi i Kosovës Koha: 11:00
Ndërkaq, rendi i ditës për seancën e dytë do të jetë si në vazhdim:
1.Shqyrtim i dytë i Projektligjit nr.08/L-179 për masat e përkohshme të produkteve themelore në raste të veçanta të destabilizimit në treg,
2.Shqyrtimi i dytë i Projektligjit nr.08/L-183 për mbështetjen e punëve publike,
3.Shqyrtimi i dytë i Projektligjit nr. 08/ L-149 për ndryshimin dhe plotësimin e Ligjit nr.06/L-010 për noterinë.
