Kompanitë e teknologjisë po dominojnë në blerjen e energjisë së pastër. Mirëpo kryesuesi i listës është padyshim Amazon.
Në vitin 2022, Amazon bleu 10.9 GW nga BRE-të, duke e bërë atë blerësin më të madh korporativ të energjisë së rinovueshme në botë, sipas të dhënave nga kompania e kërkimit të tregut BloombergNEF. Kjo është energji e mjaftueshme për të fuqizuar të gjithë vendin e Ekuadorit.
Është gjithashtu më shumë se katër herë sasia e energjisë së pastër që blerësi i dytë më i madh i energjisë së pastër, kompania Facebook Meta, bleu në 2022.
Në vitin 2019, Amazon shpalli Premtimin për Klimën, duke bërë një angazhim publik që e gjithë kompania të jetë zero karbon neto deri në vitin 2040. Nga ajo kohë, Amazon përshpejtoi angazhimin e saj për të fuqizuar operacionet e saj me 100% energji të ripërtëritshme nga 2030 në 2025.
“Kur shpallëm Premtimin në vitin 2019, ne u bëmë vërtet seriozë dhe do të thosha rigoroz në lidhje me qasjen tonë ndaj energjisë së ripërtëritshme”, tha Charley Daitch, drejtor i infrastrukturës së energjisë dhe ujit në Amazon Web Services.
Që nga viti 2019, Amazon ka rritur kapacitet blerëse të energjisës së prodhuar nga burime e pastërta të energjisë nga 1 GW në më shumë se 20 GW shpallur publikisht.
Amazon ka përshpejtuar prokurimet e saj të energjisë së rinovueshme sepse tani, është ka teknologji të disponueshme në një shkallë me të cilën Amazon mund të dekarbonizojë ndjeshëm biznesin e saj, tha Daitch për CNBC.
“Ne e dimë se ky është një vend ku ne mund të kemi një ndikim në një shkallë vërtet të madhe sot,” tha ai. Amazon po financon inovacionin në fushat e dekarbonizimit që kanë nevojë për më avancim dhe janë veçanërisht sfiduese tani nëpërmjet fondit të saj të kapitalit sipërmarrës shumë miliardë dollarësh, The Climate Pledge Fund.
Që nga janari, Amazon ka 401 projekte të energjisë së ripërëtritshme në 22 vende, duke përfshirë 164 parqe me erë dhe diellore, 237 sisteme diellore në çati në depot e tyre, qendrat e të dhënave të Amazon, zyrat e korporatave dhe dyqanet fizike.
