Çmimi me shumicë i gazit natyror tani është më pak se 10% i pikut të tij me fillimin e pushtimit rus të Ukrainës.
Kontratat e gazit ranë nën 30 euro për herë të parë që nga qershori 2021. Kjo sinjalizon një përmbysje të të kaosit të tregut të gazit që është përjetuar gjatë vitit të kaluar, që vjen si pasojë e uljes së konsumit të gazit ndërsa Evropa rimëkëmbet nga kriza e saj energjetike.
Rajoni ka grumbulluar rezerva të larta pas një dimri të butë pasi nxitoi të importonte gaz natyror të lëngshëm dhe frenoi konsumin.
Çmimet tani janë më pak se 10% e niveleve të tyre kulmore pasi Rusia kufizoi furnizimet në rajon si pasojë e luftës së saj në Ukrainë. Ende janë afër mesatares pesëvjeçare, megjithëse shumë konsumatorë janë ende të tronditur nga goditjet e tregut të vitit të kaluar.
Rimëkëmbja ka qenë e pabarabartë në të gjithë rajonin dhe disa përdorues të gazit janë ende subjekt i kontratave të energjisë të vendosura kur çmimet ishin më të larta – që do të thotë se mund të ketë një vonesë në lehtësim në faturat e energjisë. Tregtarët po shohin gjithashtu perspektivën e rritjes së kërkesës për prodhimin e energjisë elektrike në muajt e verës. /Bloomberg/
