Kosova ka rreth 30 mijë të punësuar në qendra të thirrjeve

Në Kosovë janë të punësuar rreth 30 mijë persona në sektorin e qendrave të thirrjes. Kështu u tha në panelin e organizuar nga Oda Ekonomike Gjermano-Kosovare dhe Ambasadës gjermane në kuadër të Ditëve të Gjuhës Gjermane.

Drejtoresha e OEGJK-së, Nora Hasani ka treguar se së bashku Ambasadën kanë krijuar grupin e kompanive të pastra në këtë veprimtari.

“Lidhja me Gjermaninë është shumë e fortë prej shumë kohësh, kur kanë shkuar punëtorët shqiptarë atje dhe njohja e gjuhës është një përparësi të madhe sot. Call Clean Alliance është krijuar nga Oda Ekonomike Gjermano-Kosovare dhe Ambasada gjermane për të bërë diferencimin e kompanive call center që kryejnë shërbime shumë të rëndësishme në tregun gjermano-folës nga ato kompani që mashtrojnë”, tha Hasani.

Reklama e sponzorizuar

Kompanitë pjesëmarrëse në panel kanë treguar se ata nuk janë vetëm biznese që thirrin në telefon, por kryejnë edhe shërbime tjera, teksa numri i punëtorëve në këtë sektor në Kosovë u tha se është rreth 30 mijë.

Raporti i mirë ndër vite me shtetet gjermano-folëse dhe punësimi i madh që po vjen nga ai drejtim, panelistët shtruan kërkesën që gjuha gjermane të futet edhe në shkollë fillore. /Telegrafi/