Ministri i Financave, Hekuran Murati ka thënë se çmimet kanë filluar t’i kthehen normalitetit.
Megjithatë, ministri shton se ka edhe shume produkte tjera tjera të cilat vazhdojnë të kenë çmime përtej normales, transmeton Telegrafi.
“Shkalla e inflacionit për muajin prill sipas ASK-së ishte 6.3%, që paraqet një rënie të theksuar krahasuar me nivelin që kishim disa muaj më parë. Çmimet kanë filluar t’i kthehen normalitetit.
“Nafta tashmë është kthyer në nivelin 1.15-1.25 euro/litër, e njësoj kanë filluar të bijnë edhe çmimet e produkteve tjera. Një litër vaj ushqimor tani mund të blihet edhe me 1.20 euro, kurse gruri ka prekur nivelin e para disa viteve me 0.22 euro/kg”, ka theksuar ai.
“Ministri shtoi tutje se çmimet duhet rregulluar me “Ligjin për çmimet tavon”, por që sipas tij LDK e ka dërguar në Kushtetuese për ta bllokuar.
“Megjithatë, ka ende shumë produkte tjera të cilat vazhdojnë të kenë çmime përtej normales, kryesisht si rezultat i marzhave të larta të fitimit që po aplikojnë tregtarët.
“Kjo gjë do të rregullohej me Ligjin për Çmimet Tavan, por ja që LDK e ka dërguar në Kushtetuese për ta bllokuar. Me sa duket, për ta më e rëndësishme është rritja e fitimeve për tregtarët sesa mirëqenia e qytetarëve”, pohon ministri.
