Lajmet e Fundit

AUV: Therja e kurbaneve të mos bëhet jashtë thertoreve të licencuara

26/06/2023

Agjencia e Ushqimit dhe Veterinarisë (AUV) ka bërë thirrje që të mos të bëhet therja e kurbaneve jashtë thertoreve të licencuara.

Sipas AUV-it, këto thertore posedojnë kushte teknike, sanitare dhe higjienike.

“Therjen e Kurbaneve të bëhet vetëm në thertoret e licencuara/aprovuara nga Agjencia e Ushqimit dhe Veterinarisë të cilat janë nën mbikëqyrje të kontrolleve zyrtare të inspektorëve veterinarë. Kafsha e cila theret për konsum mbi të gjitha duhet të jenë kontrolluara. Andaj në thertore kontrolli kryhet para therjes, gjatë procesit të therjes dhe pas therjes, ku vlerësohet gjendja shëndetësore e kafshës dhe pas procesit të therjes, mishi i nënshtrohet kontrollit veterinar për verifikimin e përshtatshmërisë si produkt ushqimor për konsum”, thuhet në apelin e AUV-it.

Reklama e sponzorizuar

Po ashtu, AUV thotë se therja e kafshëve në hapësirat publike është i ndaluar me ligje.

“Thertoret posedojnë teknike, sanitare dhe higjienike, posedojnë ambiente, temperatura dhe pajisje adekuate për therje të sigurta. Inkurajojmë të gjithë qe të përdorin mjete adekuate gjatë tregtimit prej fermës, në thertore. Në të gjithë vendin janë mbi 50 objekte të aprovuara për therjen e kafshëve, të cilat kanë kapacitete të mjaftueshme për të plotësuar nevojat e qytetareve”, shton agjencia.

“Therja e kafshëve në hapësirat publike dhe çdo vend tjetër qe nuk është i destinuar për këtë aktivitet është i ndaluar me ligje dhe ndaj secilit qe shkelë ligjin janë të papara masat ndëshkimore”, përfundon AUV.