Borxhi publik botëror është rritur në një rekord prej 92 trilionë dollarësh, pasi qeveritë morën hua për të luftuar krizat, siç ishte pandemia COVID-19.
Organizata e Kombeve të Bashkuara në një raport thekson se ky borxh është rritur më shumë se pesë herë në dy dekadat e fundit.
“Tregjet mund të duken se nuk po vuajnë ende. Por njerëzit po vuajnë”, u tha gazetarëve sekretari i përgjithshëm i OKB-së, Antonio Guterres.
Sipas tij, disa nga vendet më të varfra në botë po detyrohen të zgjedhin midis shërbimit të borxhit të tyre ose shërbimit të popullit të tyre.
Vendet në zhvillim i detyrohen pothuajse 30 për qind të borxhit, prej të cilit 70 për qind përfaqësohet nga Kina, India dhe Brazili.
OKB shton se borxhi është shndërruar në një barrë të konsiderueshme për vendet në zhvillim për shkak të qasjes së kufizuar në financim, rritjes së kostove të huamarrjes, zhvlerësimit të monedhës dhe rritjes së ngadaltë.
Për më tepër, arkitektura financiare ndërkombëtare e bëri qasjen në financim për vendet në zhvillim të pamjaftueshëm dhe të shtrenjtë, duke treguar se pagesat neto të borxhit të interesit tejkalojnë 10 për qind të të ardhurave për 50 ekonomi në zhvillim në mbarë botën.
Korniza e trajtimit të borxhit u miratua nga grupi i 20 ekonomive kryesore dhe kreditorëve zyrtarë në tetor 2020 dhe synon të përfshijë anëtarë të Klubit të Parisit.
