Komuna e Prishtinës ka anuluar tenderin për konkursin e projektimit për parkun përkujtimor “Dr.Ibrahim Rugova” dhe bibliotekën presidenciale, në vlerë prej 800 mijë euro, shkruan Reporteri.net.
Në njoftimin e publikuar në platformën e-Prokurimi thuhet se arsyeja e anulimit të këtij aktiviteti është për shkak se asnjë prej operatorëve nuk e ka arritur pragun minimal të pikëve.
“Komisioni – juria profesionale, për shkakun qe asnjeri prej operatoreve nuk arriti pragun minimal prej 70 pikëve për tu vlerësuar me njërin nga 3 çmimet vendosi qe te beje ANULIM te aktivitetit për Konkurs projektimi për parkun përkujtimor Dr. Ibrahim Rugova dhe biblioteka presidenciale”, thuhet në vendim.
Vendimi figuron se është marrë më 7 gusht.
