Kryeministri Albin Kurti ka kërkuar nga deputetët e Kuvendit të Kosovës që të përshpejtojnë miratimin e projektligjeve të reja, duke veçuar edhe Projektligjin për Byronë për Konfiskimin e Pasurisë së Pajustifikueshme.
Në mbledhjen e Qeverisë, Kurti falënderoi deputetët që e kanë mbështetur këtë nismë, duke theksuar se ajo synon luftimin e pasurisë së fituar në mënyrë të paligjshme.
“Byroja do të bëhet sepse me të përfundimisht merr fund ajo parulla që kurrë nuk do të duhet të përsëritej në të ardhmen, rroga e vogël, fitimi i madh. E kemi thënë edhe më herët, pasuria e fituar në mënyrë të paligjshme kurrë nuk është as private as legjitime sepse ajo kurrë nuk është fituar”, u shpreh Kurti në mbledhjen e qeverisë” ka thënë Kurti.
“Rroga e vogël dhe fitimi i madh nuk mund të vazhdojë më. Pasuria e paligjshme nuk është as private e as legjitime”, u shpreh ai.
