Banka Qendrore e Kosovës mbajti konferencë për media, ku temë ishte tarifa e vendosur nga kompanitë e sigurimeve.
Guvernatori i BQK-së, Fehmi Mehmeti, tha se ky vendim është marrë “për të mbrojtur mbajtësit e polisave”.
“Këtë vendim e kemi marrë për të mbrojtur polisë mbajtësit”, tha Mehmeti, transmeton Koha.net.
“Këtë vit e kemi shmangur një shkelje ligjore”, shtoi ai, duke theksuar se tarifat do të rishikohen çdo vit.
Ndërkaq, zv.guvernatori Sokol Havolli, po ashtu tha se ky vendim për rritjen e tarifave, u bë për mbrojtje të klientëve.
“Duhet të kapitalizohet industria e sigurimeve”, tha ai.
“Duhet të kemi sektor të shëndetshëm të sigurimeve, kompanitë e sigurimeve duhet të jenë të gatshme të mbulojnë obligimet ndaj qytetarëve e të mos mbesin borxh”, shtoi ai.
