Ambasadori i Gjermanisë në Kosovë, Christian Heldt thotë se presin nga qeveria e re me kryeministër Avdullah Hotin që të vendosë standarde në qeverisje, me transparencë dhe luftë kundër korrupsionit dhe nepotizmit.
Këto standarde, sipas Heldtit, janë vendosur nga qeveria paraprake, pjesë e së cilës ishte edhe LDK-ja.
“Kosova ka një qeveri të re, të votuar nga shumica e nevojshme e 61 parlamentarëve të zgjedhur. Qeveria e mëparshme me pjesëmarrjen e LDK-së ka vendosur standarde në qeverisje, transparencë dhe luftë kundër korrupsionit dhe nepotizmit. Këto tani janë standardet të cilat ne presim të fillohen”, ka shkruar Heldti në Twitter.
Heldti, më vonë ka shtuar se Kosova përballet me sfida të jashtëzakonshme dhe pasojat e pandemisë së koronavirusit.
“Ne do të jemi aty bashkëbisedues për Avdullah Hotin dhe qeverinë e tij për punë serioze në agjendë serioze: dialogu i udhëhequr nga BE-ja, jo korrupsion, sundim i ligjit, pa nepotizëm, qeverisje e standardeve të përcaktuara. Për Kosovën dhe njerëzit e saj”, thotë tutje Heldti.
Kosovo has a new government, voted for by necessary majority of 61 elected parliamentarians. Previous gov. with LDK participation has set standards in governance, transparency and fight against corruption and nepotism. These are now standards we expect to start off with.
— Ambassador Christian Heldt (@GermanAmbKOS) June 4, 2020
