Pajisja mund të mbushë plotësisht çdo veturë elektrike brenda 15 minutave dhe jep 100 km distancë në më pak se 3 minuta.
Mbushësi më i shpejtë në botë i makinave elektrike është lansuar nga gjigandi zviceran i teknologjisë, ABB, dhe do të jetë i disponueshëm në Evropë deri në fund të vitit 2021.
Kompania, e vlerësuar në rreth 2.6 miliardë euro, thotë se mbushësi i ri modular Terra 360 mund të mbushë deri në katër automjete në të njëjtën kohë. Kjo do të thotë që drejtuesit nuk duhet të presin nëse dikush tjetër tashmë po ngarkon para tyre në stacionin e rimbushjes, ato thjesht vendosen në një prizë tjetër.
Pajisja mund të mbushë plotësisht çdo veturë elektrike brenda 15 minutave dhe jep 100 km distancë në më pak se 3 minuta, shkruan Scan, transmeton albinfo.ch.
ABB ka parë rritje të kërkesës për mbushës dhe ka shitur më shumë se 460,000 mbushës të automjeteve elektrike në më shumë se 88 tregje që kur hyri në biznesin e lëvizshmërisë elektronike në 2010.
Theodor Swedjemark, Zyrtari Kryesor i Komunikimeve dhe Qëndrueshmërisë në ABB, shton se transporti rrugor aktualisht përbën gati një të pestën e emetimeve globale të CO2 dhe për këtë arsye lëvizshmëria elektrike është kritike për arritjen e objektivave të klimës në Paris.
Ngarkuesi EV është gjithashtu i arritshëm për karriget me rrota dhe përmban një sistem ergonomik të menaxhimit të kabllove që ndihmon shoferët të lidhen shpejt.
Ngarkuesit do të jenë në treg në Evropë dhe Shtetet e Bashkuara deri në fund të vitit, me Amerikën Latine dhe rajonet e Azisë Paqësorit që do të pasojnë në 2022.
