Në mars të këtij vitit, në vazhdën e punësimeve të zëvendësministrave dhe këshilltarëve, kryeministri i Kosovës, Ramush Haradinaj “shpiki” edhe një pozitë tjetër në Qeverinë e tij, atë të Koordinatorëve nacional, përcjell Buletini Ekonomik.
Besnik Tahirin e emëroi koordinator nacional për reforma shtetërore, djalin e ish-presidentit Ibrahim Rugova, Mendim Rugova, e emëroi koordinator për ndryshime klimatike dhe çështje të ambientit, kurse nënkryetarin e PDK-së Rexhep Hotin, koordinator nacional për kulturë, rini dhe sport.
Por pagat që marrin këta zyrtarë janë më të mëdha se disa prej pagave të kyeministrave të rajonit. Ata paguhen secili nga 2 mijë euro. Kjo sipas listës me 100 pagat më të larta në institucionet shtetëore të publikuar nga Ministri i Administratës Publike, Mahir Yagcilar, në Puls të KTV-së. /Buletini Ekonomik/
