Kryeministri Ramush Haradinaj ka thënë se prodhuesit vendorë kanë qenë të sfiduar gjatë punës së tyre dhe janë përballur me probleme të ndryshme.
“Prodhimi është sfidë dhe prodhuesit kanë qenë të sfiduar”, tha Haradinaj në Konventën e Prodhuesve të Kosovës, të organizuar nga Klubi i Prodhuesve të Kosovës.
Ai ka përmendur disa zona ekonomike të cilat shihen si mundësi për investimeve të bizneseve.
Kryeministri Haradinaj duke folur për taksën e vendosur për prodhimet e Serbisë dhe Bosnjës e Hercegovinës ka thënë se ky propozim ka ardhur nga Ministria e Tregtisë dhe Industrisë.
Ai ka treguar se në Kosovë operojnë 100 operatorë nga Serbia, ndërsa nga Kosova në Serbi nuk operon asnjë.
Haradinaj ka thënë se prodhuesit vendorë duhet ta shfrytëzojë rastin, por nuk duhet t’i rrisin çmimet.
“Shfrytëzojeni, e keni para vetes, por mos e keqpërdorni, mos i rritni çmimet pa nevojë, e edhe ju paguani një çmim. Tregtarët t’i japin përparësi prodhimeve të vendit nëpër rafte”, tha ai.
