Deri në 30 për qind shitje më shumë kanë bërë prodhuesit kosovarë, dy muaj pas vënies së taksës 100 për qind ndaj mallrave të Serbisë dhe Bosnjës, raporton KTV.
Bizneset kosovare thonë se ky vendim i Qeverisë i ka ndihmuar shumë.
Thonë se taksa ka ndikuar edhe në vetëdijesim të qytetarëve për të blerë produkte vendore.
Reklama e sponzorizuar
Edhe statistikat doganore tregojnë se ka rritje të eksportit të prodhuesve kosovarë në vendet e tjera.
Pas vënies së masës mbrojtëse, edhe importi nga Shqipëria dhe Maqedonia ka shënuar ngritje.
Sipas zyrtarëve të doganës, 57 milionë euro më shumë janë importuar në krahasim me periudhën e njëjtë të një viti më parë.
Derisa, nga Maqedonia janë importuar produkte ushqimore në vlerë prej 15 milion eurosh.
