Me pamundësi shërimi në vendin tonë, pacientë me sëmundje të ndryshme detyrohen të kërkojnë ndihmë nga shteti për tu shëruar jashtë vendit.
Për nëntë muaj gjatë këtij viti pra periudhën Janar – Shtator, për shërim jashtë Kosovës kanë aplikuar gjithsej 1063 persona në Ministrinë e Shëndetësisë.
Indeksonline ka kontaktuar Ministrinë e Shëndetësisë lidhur më këtë çështje, ku është thënë se gjatë këtyre nëntë muajve shuma e shpenzuar për pacientët të cilat kanë kërkuar ndihmë është 10 milionë e 563 mijë e 351 euro.
“Rastet e aplikimit për periudhën Janar/Shtator 2019 janë 1063. Rastet që kanë marrë trajtim janë 492 raste. Rastet qe janë ne pritje për trajtim janë 571 raste. Shuma e aprovuara për periudhën Janar/Shtator 2019 është 10,563,351.31 euro”, ka thënë Albatrit Matoshi, këshilltar për media i ministrit të Shëndetësisë për Indeksonline.
Kurse, rastet me te shpeshta janë nga klinikat e Pediatrisë, Ortopedisë, Oftalmo etj. Ndërkaq vendet të cilat pacientët e Kosovës kërkojnë më së shumti ndihmë për shërim janë Turqia, Shqipëria, Maqedonia dhe Gjermania.
Ndërkaq sa i përket procedurave për shërim jashtë vendit duhet të aplikohet Në Fondin e Sigurimeve Shëndetësore “Procedurat për të marrë tretman mjekësor janë: Raporti Konziliar (Mjekësor) nga QKUK, aplikacioni, kopje e letërnjoftimit, raporti shëndetësore, profatura ku pacienti dëshiron ta marr trajtimin kurse rastet nën asistencë sociale, invalid lufte, familje e dëshmoreve duhet të kenë flet-dëshmia që lirohen nga obligimet e bashkëfinancimit”.
