Me deklarimin e Vlora Çitakut se do ta lëshojë pozitën e saj, me kërkesë të Glauk Konjufcës, kanë nisur propozime për zëvendësuesin e saj.
Minisitri i Jashtëm, Glauk Konjufca, ka kërkuar kthimin e Vlora Çitakut nga Shtetet e Bashkuara të Amerikës, duke e lënë të zbrazët pozitën në krye të misionit më të rëndësishëm diplomatik të Kosovës.
Në ditën që kryediplomati Konjufca propozoi largimin e ambasadores së Kosovës në Uashingon, Vlora Çitakut, kanë nisur të përmenden emra se kush do ta zëvendësojë atë.
Zëvendëskryeministri Haki Abazi, që vjen nga radhët e Lëvizjes Vetëvendosje, ka propozuar Ilir Dugollin për ambasador në Uashington.
“Është ambasador në Ankara momentalisht. Ai është një njeri profesionistë dhe meriton të përfaqësoj Kosovën në SHBA”, ka thëhnë Abazi në RTV Dukagjini.
Ilir Dugolli momentalisht është ambasador i Kosovës në Turqi, ndërsa më parë ka shërbyer si ambasador në Suedi.
Dugolli ka qenë edhe këshilltar i ish-kryeministrit të Kosovës, Bajram Rexhepi.
