Botës do ti duhet vite të tëra për tu rikuperuar nga pandemia e koronavirusit, paralajmëroi Organizata për Zhvillim dhe Bashkëpunim Ekonomik (OECD). Angel Gurría, sekretari i përgjithshëm i OECD, tha se tronditja ekonomike është tashmë më e madhe se kriza financiare e vitit 2008.
Më herët OECD paralajmëroi se shpërthimi i virusit do të çonte në përgjysmimin e rritjes globale të ekonomisë, në 1,5 për qind.
Ndërsa numri i humbjeve të vendeve të punës dhe falimentimit të ndërmarrjeve mbetet ende i pasigurt, Gurría tha për BBC se vendet do të merren me rikuperimin e ekonomisë për vite me radhë.
Sipas tij shumë nga ekonomitë e mëdha në botë do të bien në recesion muajt e ardhshëm, të përcaktuara si dy të katërtat e njëpasnjëshme të rënies ekonomike.
Gurría tha që pasiguria ekonomike e krijuar nga shpërthimi i virusit do të thotë që ekonomitë tashmë po vuajnë një tronditje më të madhe sesa gjatë sulmeve terroriste të 11 shtatorit ose krizës financiare të vitit 2008.
“Dhe arsyeja është se ne nuk e dimë se sa kohë do të duhet për të rregulluar papunësinë sepse ne nuk e dimë se sa njerëz do të përfundojnë të papunë. Ne gjithashtu nuk e dimë se sa kohë do të duhet për të ndihmuar e rregulluar qindra mijëra ndërmarrje të vogla dhe të mesme, të cilët tashmë po vuajnë “, tha ai.
Qeveritë në të gjithë botën kanë ndërmarrë hapa të menjëhershëm për të mbështetur punëtorët dhe bizneset gjatë shpërthimit. Shumë vende janë zotuar se do të paguajnë pagat e punonjësve që qëndrojnë në shtëpi për shkak të virusit. Organizata i bën thirrje qeverive të rrisin rregullat e huamarrjes dhe të merren me krizën e krijuar.
OECD bën thirrje për një plan me katër “fytyra” për t’u marrë me shpërthimin, përfshirë testimin falas të virusit, pajisje më të mira për mjekët dhe infermierët, transferimin e parave për punonjesit apo të vetëpunësuarit dhe pagesa të taksave për bizneset. Gurría e krahasoi nivelin e ndërhyrjes me Planin Marshall – i cili ndihmoi në pagimin e rindërtimit të Europës pas Luftës së Dytë Botërore.
