Në Komunën e Prishtinës sot është mbajtur diskutimi publik për draft rregulloren për orarin e punës të veprimtarive afariste në kryeqytet. Pas këtrij diskutimi publik, PDK’ja ka dalë me qëndrim kundër këtij propozimi
Këtë e ka bërë të ditur Uran Ismaili nga PDK, përmes një statusi në Facebook.
“Dëshira për të kufizuar energjinë e ndërrmarrësisë të qytetarëve në jetën e Prishtinës ngulfatë edhe të vetmen energji që e ka mbajtur gjallë këtë qytet. Kjo tentative e propozuar që Prishtina të paralizohet ditën e diele është tentativë për t’u shfajësuar para qytetarëve të Prishtinës për investimet e mirëfillta që na mungojnë çdo ditë në kryeqytet”, ka shkruar Ismaili.
Ismaili ka shtuar se mbyllja e bizneseve të dielave është mundësi për komunat afër Prishtinës që të marrin fokus për investime.
“Prishtina me dyer të mbyllura të dielën është mundësi që komunat afër Prishtinës si Graqanica të fillojnë të marrin fokus për investime. Për më tepër, Shkupi e Tirana do të presin me padurim ardhjen e kosovarëve në këto qytete”, ka shkruar ai.
