KEDS-i ka njoftuar se një zjarr i ndezur nga persona të papërgjegjshëm ka shkaktuar dëme në Daljet “Graçanica 1”, “Graçanica 2” dhe Dalja “Hajvalia”.
Viktor Buzhala, zëdhënës i KEDS-it, ka thënë se si pasojë e zjarrit, shumë shtylla elektrike janë dëmtuar së bashku me përçues dhe largpërçuesin 35kV që furnizon Daljen “Badovci”, prandaj thotë se KEDS-i me ekipe shtesë po e menaxhon situatën duke u munduar që sa më parë të staibilizojë gjendjen.
“Po ashtu, dy fshatra në Mitrovicë (Maxhera dhe Dedi) pikërisht për shkak të zjarrit po përballen me mungesë të energjisë elektrike”, ka thënë Buzhala.
Sipas tij, një gjest i tillë, përpos që ka dëmtuar asetet e kompanisë, “ka shqetësuar dhe lënë pa energji elektrike konsumatorët teksa të gjithë po përballen me COVID-19, megjithatë ne kërkojmë nga konsumatorët mirëkuptim, ngase situate të tilla janë të paparashikueshme”.
