Në Klinikën Infektive janë duke u trajtuar nëntë pacientë me COVID-19. Këtë e ka konfirmuar infektologu, Salih Ahmeti.
Ai ka thënë se gjendje e të infektuarve është stabile, ndonëse tre prej tyre janë në gjendje më të rëndë.
“Prej këtyre 9 pacientëve, tre janë në gjendje më të rëndë dhe janë me oksigjeno-terapi, mirëpo gjendja e tyre është e menaxhueshme”, ka thënë Ahmeti, raporton KOHA.
Reklama e sponzorizuar
Ai ka shtuar se është edhe një pacientë që ka rezultuar negativ në testin e fundit që i është bërë, mirëpo po vazhdon të trajtohet për shkak që gjendja e tij nuk është shumë e mirë, meqë infeksioni ka shkaktuar dëme në organizëm.
Ndërkaq, gjashtë pacientët e tjerë, nga java e ardhshme pritet t’u bëhen testet për COVID-19, ka thënë Ahmeti.
